Heilsugæsla                                                                    

Upptökusvæði heilsugæslunnar er Skagafjörður, utan Fljóta. Auk þess þjónar heilsugæslan  ferðamönnum og nemum framhaldsskóla í héraðinu.

Starfið skiptist í höfuðatriðum í móttöku og vaktþjónustu heilsugæslulækna, heimahjúkrun og hjúkrunarþjónustu, ungbarna- og mæðravernd og skólaheilsugæslu. Einnig heyrir undir hana sjúkraflutningar, sérfræðileg læknisþjónusta og ýmis önnur heilsuvernd.

Á Hofsósi fer fram læknisþjónusta, ungbarnavernd, skólaheilsugæsla, heimahjúkrun og hjúkrunarþjónusta ásamt lyfjaafgreiðslu.

Læknamóttaka er á Hofsósi á þriðjudögum e.h.

Símaþjónusta frá skiptiborði er frá kl. 08:00-16:00 alla virka daga. Þá er tekið á móti tímapöntunum. Eftir lokum skiptiborðs er svarað í síma á sjúkradeild.

Heilsugæslulæknar og hjúkrunarfræðingar eru með móttöku alla virka daga. Vaktþjónusta lækna er allan sólarhringinn og er fyrst og fremst til að sinna bráðatilfellum og slysum.

Sérfræðingar koma reglulega á heilbrigðisstofnunina.

Yfirlæknir er Örn Ragnarsson.
Yfirhjúkrunarfræðingur er Guðrún Jóhannsdóttir, sími 455 4012, netfang gudrun@hskrokur.is.